Birgir Leifur varð í 30. sæti

Birgir Leifur Hafþórsson, GKG, tók  þátt í D + D Czech Challenge Open, en mótið er hluti af Áskorendamótaröð Evrópu.  Mótið fór fram í Golf & Spa Kunetická Hora í Drftec, í Tékklandi dagana 6.-9. júní 2013 og lauk því í dag.

Samtals lék Birgir Leifur á samtals 8 undir pari,  280 höggum (69 65 71 75) og fór niður í 30. sætið eftir hring upp á 3 yfir pari í dag.  Á lokahringnum fékk Birgir Leifur 1 örn, 12 pör og 5 skolla.  Fyrir góða frammistöðu sína hlaut Birgir Leifur € 1.184 í verðlaun.

Sigurvegari í mótinu varð Frakkinn François Calmels en hann lék á samtals 22 undir pari.

Til þess að sjá úrslitin á Czech Open SMELLIÐ HÉR: