Birgir Leifur Hafþórsson verður með í Flórídaferðinni. Mynd: Golf 1.
Ragnheiður Jónsdóttir | mars. 13. 2013 | 20:00

Birgir Leifur og Ólafur Björn báðir á pari eftir 1. dag í Charlotte

Birgir Leifur Hafþórsson, GKG og Ólafur Björn Loftsson, NK taka nú þátt í The Championship at Ballantyne Country Club, sem er mót á eGolf Professional Tour. Spilað er á golfvelli Ballantyne CC, í Charlotte, Norður-Karólínu.

Báðir luku leik á parinu eftir 1. hring, þ.e. 72 höggum.   Birgir Leifur fékk 3 fugla, 13 pör, 1 skolla og 1 skramba á hring sínum en Ólafur Björn fékk 3 fugla, 12 pör og 3 skolla á sínum hring.

Aðstæður til golfleiks voru erfiðar vegna mikilla rigninga, sbr. færslu Ólafs Björns á facebook síðu sína:

Vindurinn og bleytan stríddi mér svolítið  (Í gær), ég fann margar glompur og þurfti þar nokkrum sinnum að láta boltann falla úr vatni sem fyrir hafði safnast, en það gerði höggin síður en svo auðveldari. Annars frekar tíðindalítill hringur, mörg ágæt högg en ég á meira inni. Mótið líklega stytt í 2 hringi og ég spila væntanlega ekki næsta hring fyrr en á fimmtudagsmorgun. (Í dag) tekur við góð æfing, góð hvíld og ég set mig í stellingar fyrir lágt skor á líklegum lokahringnum.“

Til þess að sjá stöðuna á The Championship at Ballantyne Country Club SMELLIÐ HÉR: