Birgir Leifur í 27. sæti eftir 3. dag úrtöku- mótsins í Mississippi – lék á 68 í dag!!!

Birgir Leifur Hafþórsson, GKG, hefir nú lokið 3. hring á úrtökumóti fyrir PGA Tour, í Lake Caroline Golf Club í Madison, Mississippi (Til þess að komast á heimasíðu golfklúbbsins  SMELLIÐ HÉR: )

Úrtökumótið stendur dagana 16.-19. október 2012.

Birgir Leifur er búinn að spila á samtals 208 höggum (69 71 68) og er því á 2 undir pari eftir 3. dag úrtökumótsins.  Hann fékk 3 fugla og 1 skolla í dag.

Birgir Leifur deilir 27. sætinu sem stendur með David Suggs frá Flórída. Það eru þeir sem eru í 16. sæti eða jafnir í 16. sæti, sem komast á næsta stig úrtökumótsins og sem stendur verður Birgir Leifur að vinna upp 3 högg því sá sem er síðastur inni skv. skortöflunni í dag á næsta stig úrtökumótsins er samtals búinn að spila á 5 undir pari.

Golf 1 óskar Birgi Leif góðs gengis á morgun!

Til þess að sjá stöðuna eftir 3. dag á úrtökumótinu í Madison, Mississippi SMELLIÐ HÉR: