Birgir Leifur fór upp um 26 sæti

Birgir Leifur Hafþórsson, GKG og Ólafur Björn Loftsson, NK, léku í gær 3. hringinn á Palmetto Hall Championship, sem er fysta mótið á eGolf Professional mótaröðinni.

Spilað er á tveimur völlum: Arthur Hills og Robert Cupp í Palmetto Hall Plantation golfklúbbnum í Suður-Karólínu og léku allir 70 keppendurnir sem komust í gegnum niðurskurðinn Robert Cupp golfvöllinn í gær.

Birgir Leifur átti frábæran hring á 2 undir pari, 70 höggum og er samtals búinn að spila á 1 undir pari, 215 höggum (72 73 70).  Þegar mótið var hálfnað var Birgir Leifur á samtals 1 yfir pari og í 54. sæti. Við hringinn góða í gær fór Birgir leifur upp um 26 sæti, er nú í 28. sæti sem hann deilir með 4 öðrum kylfingum.

Ólafur Björn átti hring, sem hann vill eflaust gleym,a spilaði á 80 höggum og er því nú búinn að spila á samtals 6 yfir pari (69 73 80) og er  í 62. sæti, sem hann deilir með 4 öðrum kylfingum.

Efstur í mótinu er sem fyrr Matt Hendrix nú á samtals 14 undir pari (68 67 67).

Til þess að sjá stöðuna eftir 2. dag á  Palmetto Hall Championship SMELLIÐ HÉR: