Birgir Leifur lauk keppni í 26. sæti á Allianz mótinu í Pléneuf

Birgir Leifur Hafþórsson, GKG, lauk í dag keppni á ALLIANZ Open Côtes d´Armor Bretagne mótinu, sem fram fór á Golf Blue Green Pléneuf Val André golfvellinum í Pléneuf, Frakklandi.

Birgir Leifur deildi 26. sætinu með 6 öðrum kylfingum . Hann var á 75 höggum í dag; fékk 3 skramba, 3 fugla, 2 skolla og 1 örn.

Samtals spilaði Birgir Leifur á +9 yfir pari, 289 höggum (73 69 72 75).

Sá sam sigraði í mótinu var Englendingurinn Eddie Pepperell eftir umspil við Danann Jeppe Huldahl, en báðir voru þeir á samtals -3 undir pari samtals, 277 höggum  og varð því að koma til umspils milli þeirra – þar sem Eddie hafði strax betur á 1 holu, paraði 18. meðan Jeppe fékk skolla.

Til þess að sjá úrslitin á ALLIANZ Open Côtes d´Armor Bretagne mótinu smellið HÉR: