![](https://www.golf1.is/wp-content/uploads/2011/10/Birgir-Leifur2-630x472.jpg)
Birgir Leifur á 77 höggum á 1. degi á Costa Ballena
Það gekk ekki vel hjá Birgi Leif á 1. degi 2. stigs úrtökumóts fyrir Evrópumótaröðina, sem fram fer nú um helgina í Costa Ballena Ocean Club nálægt Rota á Suður-Spáni. Birgir Leifur kom í hús á +5 yfir pari og er í næstneðsta sæti því 72 af 74 keppendum.
Birgir fór afar illa af stað, fékk skolla á upphafsbraut sinni 10. brautinni og síðan skramba á 14. par-3, sem margir hafa átt í vandræðum með og annan skramba á 18. braut. Á seinni 9 gekk betur, þá fékk Birgir 3 fugla en því miður líka 3 skolla og því +5 yfir pari lokaniðurstaðan.
Það eru 3 sem verma 1. sæti á Costa Ballena Q-school, allt fremur þekktir kylfingar: Spánverjinn Pedro Oriol og Ástralinn Wade Ormsby komust í gegnum lokaúrtökumót Evrópumótaraðarinnar í fyrra og hafa verið að spila á Evrópumótaröðinni í ár. Bandaríkjamaðurinn Peter Uihlein, var lengi vel áhugamaður nr. 1 í heiminum og er sonur Wally Uihlein, forstjóra Acushnet Company, sem m.a. á Titleist og önnur þekkt merki í golfútbúnaðinum. Peter er að fara að útskrifast frá Oklahoma State og er því að leita sér að mótaröð til þess að spila á. Hann þykir algert undrabarn í golfi og hefir spilað frá því að hann var smápatti. Uihlein, Ormsby og Oriol komu allir í hús á 68 höggum og er því með 9 högga forskot á Birgi Leif.
Þeir sem eru T-18 og á því róli að komast áfram á lokaúrtökumótið voru að spila á -1 undir pari, þ.e. 71 höggi. Því er alls ekki loku fyrir það skotið að Birgir Leifur nái þeim og nái að bæta upp slakt gengi í dag, á næstu 3 dögum.
Golf 1 óskar Birgi Leif alls góðs á morgun!
Til þess að sjá stöðuna eftir 1. dag á Costa Ballena smellið HÉR:
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:30 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn
- júlí. 23. 2024 | 16:00 Afmæliskylfingur dagsins: Harris English —- 23. júlí 2024
- júlí. 23. 2024 | 12:06 Opna breska 2024: Hvað var í sigurpoka Xander Schauffele?