Birgir Björn í 5. sæti í Finnlandi eftir 1. hring

Það er Birgi Björn Magnússon, GK, sem búinn er að spila geysigott golf á Finnish International Junior Championship mótinu, sem fram fer í bænum Vierumäki, í Finnlandi. Eftir 1. hring í U16 drengjaflokknum deilir Birgir Björn 5. sætinu með 2 öðrum, en hann spilaði á 74 glæsihöggum.

Klúbbfélagi Birgis, Gísli Sveinbergsson, GK, er líka að gera góða hluti en hann er skammt undan á 76 höggum og deilir 11. sætinu með 5 öðrum, sem er góður árangur.

Alls eru 54 þátttakendur í drengjaflokk.

Ragnhildur Kristinsdóttir, GR, er líkt og Gísli í T-11 í  sínum flokki, 16 ára og yngri eftir 1. spilaðan hring.  Ragnhildur var á 81 höggi, sem er fínn árangur, en í telpnaflokki eru 30 keppendur.

Keppni í strákaflokki 14 ára og yngri er rétt hafin og eru Fannar Ingi Steingrímsson, GHG og Henning Darri Þórðarson, GK að standa sig vel.

Fylgjast má með stöðunni á Finnish International Junior Championship í Vierumäki með því að SMELLA HÉR: