Bill Clinton, Phil Mickelson og Greg Norman spila á Humana Challenge, 16. janúar n.k.

Þann 16. janúar n.k. hefst Humana Challenge golfmótið  (fyrrum Bob Hope Classic) og stendur yfir til 22. janúar. Spilað er á La Quinta  Country Club í Kaliforníu á Palmer og Nicklaus völlunum á PGA West.  Spilað er um $1.008 milljóna vinningstékk, þann stærsta í sögu mótsins og nýjan  Bob Hope Memorial verðlaunagrip.Það er Bill Clinton Foundation, sem er helsti styrktaraðili mótsins og Bill er einnig stærsta stjarnan, sem þátt tekur á mótinu a.m.k. Pro-Am hlutanum.

Nú á Þrettándanum s.l. föstudag tilkynntu tvær stórstjörnur að þær myndu einnig taka þátt, þ.e. Greg Norman og Phil Mickelson.  Um þátttöku sína í mótinu sagði Greg Norman m.a.:

Greg Norman alías „hvíti hákarlinn"

„Eftir samtal við Clinton forseta og einnig fyrir hvatningu góðs vinar míns Scott McCarron þá er mér ánægja að styðja skuldbindingu Clintons við Humana Challenge og stofnun hans.“ „Ég er viss um að nýlegar breytingar á styrktaraðilum mótsins og mótsfyrirkomulagi, sem og stuðningur Clintons muni gera mótið, sem hefir verið eitt aðalmótið í áratugi að „því móti“ sem allir vilja taka þátt í.“

Um þátttöku sína sagði Phil Mickelson:

Phil Mickelson

„Mér er heiður að því að ganga til liðs við Clinton forseta og Clinton Foundation í Humana Challenge mótinu.“ „Ég dáist að Clinton forseta og góðgerðarstarfsemi sem stofnun hans stendur fyrir, sem aðstoðar milljónir manna um allan heim […] Sum bestu keppnistímabil mín hafa hafist á spili í þessu móti og ég er spenntur að koma aftur.“ sagði Mickelson m.a.

„Þátttaka Phil í Humana Challenge er gott dæmi um ástríðu hans fyrir golfi og vellíðan annarra,“ sagði Clinton í dagblaðinu Desert Sun.„Hann er einn af bestu kylfingum okkar tíma og einn af mestu mannvinum í golfinu gegnum starf sitt í Phil and Amy Mickelson Foundation. Ég er þakklátur Phil fyrir að taka þátt og styðja okkur í starfi okkar að stuðla að heilbrigði og vellíðun annarra.“

Aðrir sem þátt taka í mótinu eru m.a.: Jhonattan Vegas, sigurvegari í FedExCup 2011 og sigurvegari  Bob Hope 2010, Bill Haas, sigurvegari PGA Championship risamótsins 2001, David Toms og sigurvegari Masters risamótsins 2007, Zach Johnson.