Ragnheiður Jónsdóttir | maí. 3. 2014 | 10:00

Bílafloti Ian Poulter

Allir áhangendur enska „kraftaverkamannsins í Medinah“ Ian Poulter vita að hann er mikill bíladellukarl.

Hann á stórsafn af glæsikerrum, þ.á.m. fjöldann allan af Ferrari bílum, sem eru í miklu uppáhaldi hjá honum.

Hann tvítaði nú nýverið meðfylgjandi mynd af bílaflota sínum, en á myndinni eru 7 bílar, þar af 5 Ferrari.

Hinir eru Rolls Royce Ghost aftast til vinstri og  Ford GT-40 að aftan til hægri.

Poulter tvítaði að hann væri að hugsa um að losa sig við Rollsinn og hugsanlega kaupa Bentley seinna á árinu, hann væri með Mulsanne undirtegundina í huga, sem hugsanlega valkost í skiptum fyrir Rollsinn.

2014 tegundin af Betley Mulsanne er rennileg

2014 tegundin af Bentley Mulsanne er rennileg

.... og flottur að innan

…. og flott að innan

Poulter hefir hlotið gagnrýni fjölmargra fyrir að „eyða“ golfpeningum sínum í þetta safn bifreiða, sem hann þar að auki viðurkennir að keyra sárasjaldan.

Hins vegar eru bílarnir góð fjárfesting, en það er vitað mál að hann fær miklu meira fyrir þá en hann keypti þá á!