Bandaríska háskólagolfið: Ragna Björk í 32. sæti á SCC Championship og á 23 ára afmæli!

Á hinum glæsilega Concessions golfvelli í Bradenton, Flórída fer þessa dagana fram Sunshine State Conference Championship. Í mótinu taka þátt 44 kylfingar frá 9 háskólum, þ.á.m. Ragna Björk Ólafsdóttir, GK og liðsfélagar hennar í St. Leo. Þetta er tveggja daga mót frá 16.-17. apríl.

Fyrstu 2 hringirnir í mótinu voru spilaðir í gær. Ragna Björk spilaði á samtals 177 höggum (92 85), en þess mætti geta að skor voru óvenju há í mótinu, enda völlurinn þrælerfiður. Völlurinn er hannaður af Jack Nicklaus í samstarfi við Tony Jacklin. Komast má á heimasíðu Concessions til þess að skoða þennan flotta völl með því að smella HÉR:

Ragna Björk er í 32. sæti sem stendur og lið St. Leo í 6. sæti. Í dag verður lokahringur mótsins spilaður . Þess mætti geta hér að Ragna Björk á afmæli í dag. Hún er fædd 17. apríl 1989 og er því 23 ára.

Golf 1 óskar Rögnu Björk innilega til hamingju með afmælið og henni og St. Leo góðs gengis á SCC Championship!

Sjá má stöðuna á SSC Championship eftir fyrri dag með því að smella HÉR: