Bandaríska háskólagolfið: Valdís Þóra lauk leik í 13. sæti í einstaklingskeppninni á Jim West – Lið Texas State varð í 1. sæti!!!

Íslandsmeistarinn í höggleik 2012, Valdís Þóra Jónsdóttir, GL og golflið Texas State luku í gær leik á Jim West Challenge mótinu.

Mótið fór fram dagana 17.-18. febrúar og var spilað á golfvelli Vaaler Creek golfklúbbsins í Blanco, Texas. Til að sjá heimasíðu klúbbsins SMELLIÐ HÉR:

Þátttakendur voru 64 frá 12 háskólum.

Valdís Þóra lék samtals á  11 yfir pari (79 76 81) og deildi 13. sæti í einstaklingskeppninni.

Valdís Þóra var á 3. besta skori í liði Texas State, en liðið vann liðakeppnina – varð í 1. sæti – Glæsilegt!!!

Næsta mót hjá Valdísi Þóru og „The Bobcats“ golfliði Texas State er Mountainview Collegiate mótið í Tucson, Arizona sem fram fer 15.-16. mars n.k.

Til þess að sjá úrslitin á Jim West Challenge mótinu  SMELLIÐ HÉR: