Bandaríska háskólagolfið: Valdís Þóra og Texas State luku leik í 7. sæti á Susie Maxwell Berning Classic mótinu

Valdís Þóra Jónsdóttir, klúbbmeistari GL 2012, Íslandsmeistari í höggleik 2012 og í Bobcats golfliði Texas State lauk í gær leik á hinu 3 daga Susie Maxwell Berning Classic móti í Oklahoma. Mótið stóð dagana 15.-17. október 2012.

Spilað var í Jimmie Austin OU Golf Club í Norman, Oklahoma. Þátttakendur voru 96 frá 18 háskólum.

Valdís Þóra lék samtals á 13 yfir pari, 229 höggum (74 84 71). Hún var á 4. besta skorinu í liði sínu og taldi það því.

Bobcats golflið Texas State og Valdísar Þóru varð í 7. sæti í liðakeppninni ásamt Coastal Carolina (gamla háskólanum hans Dustin Johnson).

Næsta mót Valdísar Þóru og Texas State er Alamo Invitational, sem fram fer í San Antonio, Texas í lok mánaðarins, þ.e. 28.-30. oktober n.k.

Til þess að fylgjast með Valdísi Þóru og stöðunni á Susie Maxwell Berning Classic SMELLIÐ HÉR: