Ragnheiður Jónsdóttir | nóvember. 11. 2021 | 18:00

Bandaríska háskólagolfið: Ragnhildur með 2. sigur sinn á tímabilinu – Stórglæsileg!!!

Ragnhildur Kristinsdóttir, GR og félagar í Eastern Kentucky University (skammst.: EKU) tóku þátt í French Broad Collegiate Invitational.

Mótið fór fram dagana 8.-10. nóvember í The Cliffs at Walnut Cove, í Ashville Norður-Karólínu.

Þátttakendur voru 70 frá 13 háskólum.

Ragnhildur gerði sér lítið fyrir og sigraði og er þetta 2. sigur hennar á þessu haustmisseri. Auk þess hefir hún tvívegis verið í 2. sæti á keppnistímabilinu í einstaklingskeppnum.

Sigurskor hennar var samtals 5 yfir pari, 218 högg (78 70 70) – Þessi sigur er sérlega glæsilegur í ljósi þess að Ragnhildur var í 27. sæti eftir 1. keppnisdag, eftir að hafa spilað 1. hring á 7 yfir pari, 78 höggum.

Fjallað var um sigur Ragnhildar á vefsíðu EKU í grein sem bar fyrirsögnina „Ragnhildur sigrar aftur“ – Sjá með því að SMELLA HÉR: 

Lið EKU varð í 2. sæti í liðakeppninni.

Sjá má lokastöðuna á French Broad Collegiate Invitational með því að SMELLA HÉR:

Næsta mót Ragnhildar og félaga er á vormisseri, í Jacksonville, Flórída, 14. febrúar 2022.