Ragnar Már Garðarsson, GKG, Íslandsmeistari í holukeppni í piltaflokki – 15. júní 2013 á Leirdalsvelli
Ragnheiður Jónsdóttir | september. 17. 2013 | 12:30

Bandaríska háskólagolfið: Ragnar Már og McNeese í 9. sæti fyrir lokahringinn

Ragnar Már Garðarsson, GKG og golflið McNeese taka þátt í Ram Masters Invitational, sem fram fer á golfvelli Fort Collins Country Club, í Fort Collins, Colorado.

Mótið stendur dagana 16.-17. september og verður lokahringurinn því leikinn í dag. Þátttakendur í mótinu eru 84 frá 15 háskólum.

Ragnar Már er í 38. sæti í einstaklingskeppninni, sem hann deilir með 8 öðrum.  Hann er búinn að leika á samtals 147 höggum (73 74).

Ragnar Már er á 2.-3. besta skori McNeese, sem er í 9. sæti í liðakeppninni.

Til þess að fylgjast með gengi Ragnars Más og McNeese í dag SMELLIÐ HÉR: