Bandaríska háskólagolfið: Ólafur Björn spilaði 2. hring á 76 höggum – er í 9. sæti á North Ranch Collegiate

Ólafur Björn Loftsson, NK og Charlotte, tekur eins og Golf 1 greindi frá í gær þátt í North Ranch Collegiate mótinu í North Ranch CC í Westlake Village, Kaliforníu.   Þetta er tveggja daga mót, fer fram dagana 27.-28. febrúar. Þátttakendur eru 72 frá 14 háskólum.

Ólafur Björn spilaði 2. hring í gær á +6  yfir pari,  76 höggum. Samtals er Ólafur Björn búinn að spila á +6 yfir pari, 146 höggum (70 76). Ólafur Björn er í 6 kylfinga hópi sem deilir 9. sæti, þ.á.m. með liðfélaga sínum, Tyler Mitchell, sem átti bestan 2. hring strákanna úr Charlotte, 74 högg.

Í efsta sæti er sem fyrr Matt Hoffenberg úr San Diego State, en hann spilaði 2. hring á 73 höggum og var búinn að spila þann fyrri á 66 höggum. Hoffenberg deilir 1. sætinu með liðsfélaga sínum Alex Kang (67 72).

San Diego State háskólinn er því í 1. sæti en  Charlotte, háskóli Ólafs Björns er í 7. sæti.

Þess mætti geta að það er fremur kalt í Kaliforníu og var hvasst seinni hringinn og skorið eftir því.  Mótinu lýkur í dag og verða allir ræstir út eftir shotgun fyrirkomulagi – þ.e. á sama tíma.

Til þess að sjá stöðuna á North Ranch Collegiate eftir 2. hring smellið HÉR: