Bandaríska háskólagolfið: Ólafur Björn lauk keppni í Greensboro svæðisúrslitunum á 74 höggum í síðasta móti sínu í háskólagolfinu

Dagana 17.-19. maí fór fram á golfvelli Grandover Resort & Conference Center fram NCAA East Regional – NCAA Greensboro Regional, þ.e. svæðisúrslitin í Austur-deildinni.

Þátttakendur voru 75 og þeirra á meðal voru  Ólafur Björn Loftsson, NK og Charlotte 49´s.

Ólafur Björn spilaði samtals á+13 yfir pari, 229 höggum (75 80 74) og var síðasti hringur hans langbestur.

Hringurinn var jafnframt sá síðasti hjá Ólafi Birni í bandaríska háskólagolfinu, en hann hyggst gerast atvinnumaður í haust og spila á sterkum áhugamannamótum í sumar s.s. Andrews Trophy Links og Opna breska áhugamannamótinu.

Ólafur Björn var á 2.-3. besta skori liðs síns.

Lið Charlotte háskóla varð í 11. sæti af 14, sem þátt tóku, en sá árangur dugði ekki til að fleyta liðinu í landsúrslitin.

Til þess að sjá úrslitin á NCAA Greensboro Regional smellið HÉR: