Bandaríska háskólagolfið: Ólafía Þórunn var á 70 höggum á 1. hring ACC Women´s Golf Championship

Í Sedgefield Country Club í Norður-Karólínu fer dagana 13.-15. apríl fram ACC Women´s Golf Championship í bandaríska háskólagolfinu. Þátttakendur eru 45 frá 9 háskólum, þ.á.m. Ólafía Þórunn Kristinsdóttir, GR og félagar hennar í liði Wake Forest.

Ólafía Þórunn spilaði 1. hringinn í gær á -1 undir pari, 70 höggum, og deilir 2. sætinu ásamt tveimur kylfingum úr Duke, en Duke stelpurnar, þær Alejandra Congrejo (1. sæti) Lindy Duncan og Stacy Kim (2. sæti) röðuðu sér í efstu sætin.

Liðsfélaga Ólafíu Þórunnar, Cheyenne Woods, frænku Tigers, gekk langt undir vonum, spilaði 1. hring á +5 yfir pari, 76 höggum.

Lið Wake Forest er í 3. sæti.

Sjá má myndskeið af viðtali við Ólafíu Þórunni  HÉR: 

Til þess að sjá stöðuna eftir 1. hring ACC Women´s Golf Championship smellið HÉR: