Ólafía Þórunn Kristinsdóttir, GR og Wake Forest. Mynd: Kristinn Gíslason
Ragnheiður Jónsdóttir | maí. 11. 2013 | 16:00

Bandaríska háskólagolfið: Ólafía Þórunn í 16. sæti á NCAA

Ólafía Þórunn Kristinsdóttir, GR og golflið Wake Forest taka þátt í NCAA Central svæðamótinu, sem fram fer í Jimmie Austin OU Golf Club, í Austin, Oklahoma dagana 9.-11. maí 2013.  Þátttakendur eru 126 frá 24 háskólum.

Ólafía Þórunn lék 2. hringinn sinn í gær á 2 yfir pari, 74 höggum og var 2 fugla, 13 pör, 2 skolla og 1 skramba.

Ólafía Þórunn var á besta skori golfliðs Wake Forest og er sem stendur í 16. sæti í einstaklingskeppninni á samtals 146 höggum (72 74) eftir 2. dag.

Golflið Wake Forest er T-14 í liðakeppninni. Lokahringurinn verður spilaður í kvöld.

Til þess að sjá stöðuna eftir 2. dag á NCAA Central svæðamótinu og fylgjast með gengi Ólafíu Þórunnar í kvöld SMELLIÐ HÉR