Bandaríska háskólagolfið: Ólafía Þórunn best í liði Wake Forest í Windy City

Þegar þetta er ritað kl. 17:55  að íslenskum tíma hefir Ólafía Þórunn lokið leik í Windy City Collegiate Championship, sem fram fer í Glen View Club í Illinois. Hún spilaði alla hringi sína í mótinu á 73 höggum og lauk því leik á samtals 219 höggum, +3 yfir pari. Cheyenne Woods lauk leik á +4 yfir pari. Ólafía Þórunn spilaði því best fyrir Wake Forest, er sem stendur í 8. sæti og  Cheyenne í 9. sæti. Aðrar í liði Wake voru T-36, T-66 og í 76. sæti, þannig að Wake Forest verður væntanlega ekki ofarlega sem lið – var í 9. sæti í gær og verður líklega á svipuðum slóðum í dag. Fjölmargar eiga eftir að koma í hús þannig að staðan á eflaust eftir að breytast eitthvað. En jöfn, stöðug og góð spilamennska hjá Íslandsmeistaranum okkar, sem er ofarlega í móti þar sem er 81 þátttakandi!

Sjá má úrslitin í Windy City Collegiate Championship með því að smella HÉR: