Bandaríska háskólagolfið: Kristján Þór í 4. sæti á Jim West Intercollegiate eftir 2. dag

Kristján Þór Einarsson, GK og Íslendingaliðið í Nicholls State spilaði 2. hringinn í gær á Jim West Intercollegiate mótinu, sem fram fer í Victoria Country Club í Victoria, Texas. Þátttakendur eru 69 frá 12 háskólum og gestgjafi er háskólinn sem Valdís Þóra Jónsdóttir, GL, stundar nám í og spilar golf með golfliði skólans, Texas State.

Kristján Þór spilaði á -2 undir pari, glæsilegum 70 höggum fyrsta daginn. Annan daginn, þ.e.  í gær var Kristján Þór á sama glæsilega skorinu og er því samtals búinn að spila á -4 undir pari, 140 höggum (70 70) og er sem stendur í 4. sæti, sem hann deilir með öðrum.

Andri Þór Björnsson, GR, spilaði á +4 yfir pari, 76 höggum fyrsta daginn og var T-46. Nokkuð betur gekk á 2. hring, en Andri Þór spilaði á 74 höggum og er kominn í 32. sætið sem hann deilir með öðrum, en með  því að bæta sig um 2 högg milli daga fór hann upp um 14 sæti!

Pétur Freyr Pétursson, GR, spilaði á +3 yfir pari, 75 höggum fyrsta daginn og var  T-37, eftir 1. dag. Annan daginn, í gær, spilaði Pétur Freyr á 82 höggum og er því á samtals skori upp á 157 högg.

Lið Nicholls State er sem stendur í 10. sæti af háskólaliðunum, sem þátt taka í mótinu.

Golf 1 óskar Nicholls State góðs gengis á morgun!

Til þess að sjá stöðuna eftir 2. dag Jim West Intercollegiate smellið  HÉR: 

Til þess að sjá umfjöllun um mótið á heimasíðu Nicholls State smellið HÉR: