Bandaríska háskólagolfið: Íris Katla lauk keppni í 5. sæti í S-Karólínu

Íris Katla Guðmundsdóttir, GR og „The Royals“ golflið Queens, tóku þátt í Converse College Spring Invite, en mótið fór fram í Spartanburg, Suður-Karólínu.

Mótið stóð dagana 24.-25. febrúar og lauk því í gær, en þetta var  fyrsta mót „The Royals“ á vorönn.

Í mótinu voru 35 þátttakendur frá 7 háskólum.

Íris Katla var í 6. sæti eftir fyrri daginn, sem hún deildi með 2 öðrum  en lauk keppni ein í 5. sæti.  Íris Katla lék á samtals 21 yfir pari, (82 83)

Golflið Írisar Kötlu, The Royals, þ.e.  Queens lauk keppni í  3. sætinu í liðakeppninni og  Íris Katla var á næstbesta skorinu og taldi það því í árangri liðsins!

Næsta mót Írisar Kötlu og The Royals er 10. mars n.k. á Hilton Head í Suður-Karólínu.

Sjá má lokastöðuna Converse College Spring Invite með því að  SMELLA HÉR: