Bandaríska háskólagolfið: Hrafn og félagar luku leik í 1. sæti á Natural State Golf Classic mótinu

Hrafn Guðlaugsson, klúbbmeistari GSE 2012 og golflið Faulkner tóku dagana 7.-9. apríl 2013 þátt í Harding Natural State Golf Classic mótinu í Heber Springs, Arkansas.

Hrafn lék á samtals á 6 yfir pari, 148 höggum(74 74)  og varð í 11. sæti í einstaklingskeppninni. Skorið hans var 3. besta skor Faulkner, sem landaði 1. sætinu og taldi það því í glæsiárangri liðsins í liðakeppninni!!!

Í mótinu tók einnig þátt  Sigurður Björgvinsson, GK, sem spilaði með B-liði Faulkner.  Sigurður varð T-37 í einstaklingskeppninni á 16 yfir pari, 158 höggum (79 79).

Eins voru meðal þátttakendanna 73 í mótinu klúbbmeistari GKJ 2012, Theodór Karlsson og Ari Magnússon GKG og golflið University of Arkansas at Monticello.  Theodór lauk leik  T-42  á samtals 18 yfir pari, 160 höggum (78 82) og Ari varð  T-64 á 26 yfir pari, 168 höggum (82 86). Lið Ara og Theodórs varð í 11. sæti í liðakeppninni.

Sannkölluð Íslendingaveisla hér á ferð, þar sem 4 Íslendingar tóku þátt í einu og sama mótinu!

Lið Hrafns og Sigurðar, Faulkner, leikur næst á SSAC Tournament í Lagoon Park í Montgomery, Alabama, 15. apríl n.k. og lið Ara og Theodórs, University of Arkansas at Monticello leikur næst á Great American Conference Championships í Hot Springs, Arkansas 14.-16. apríl n.k.

Til þess að sjá úrslitin úr Harding Natural State Golf Classic mótinu SMELLIÐ HÉR: