Bandaríska háskólagolfið: Hrafn í 2. sæti á SSAC Championship eftir 1. dag

Hrafn Guðlaugsson, klúbbmeistari GSE, og „The Eagles“ golflið Faulkner háskólans taka sem stendur þátt í svæðamótinu, Southern States Athletic Conference (skammst. SSAC) Championships, sem fram fer í Lagoon Park, Montgomery, Alabama, dagana 15.-17. apríl.  Þátttakendur eru 54 frá 11 háskólum.

Eftir fyrsta dag keppninnar er Hrafn í 2. sæti sem hann deilir með liðsfélaga sínum Daníel Jansen og efsta mann þess liðs sem er í efsta sæti í liðakeppninni, Matt Emery frá Lee University.  Hrafn lék fyrsta hringinn í gær á 3 undir pari, 69 glæsihöggum og er aðeins 3 höggum á eftir þeim sem er á besta skorinu eftir fyrsta dag, Chase Miller frá College of Coastal Georgia, en hann lék á 6 undir pari, 66 höggum og lið hans er í 2. sæti í liðakeppninni.

Hrafn er á 1.-2. besta skorinu af liði sínu, „The Eagles“ sem er í 3. sæti í liðakeppninni og telur skor Hrafns því!!!

Sjá má úrslitin eftir 1. hring á SSAC Championship með því að SMELLA HÉR: