Bandaríska háskólagolfið: Helga Kristín og Særós Eva luku keppni á Yale mótinu

Þær Helga Kristín Einarsdóttir, GK og golflið hennar í bandaríska háskólagolfinu, Albany og Særós Eva Óskarsdóttir, GKG og golflið hennar í bandaríska háskólagolfinu, Boston University luku keppni á Yale Women´s Fall Intercollegiate mótinu, en mótið stóð dagana 6.-8. október. Spilaðir voru 2 hringir, en 3. hringurinn, sem spila átti, var felldur niður.

Mótið fór fram í New Haven, Conneticut á golfvelli Yale háskóla, en gestgjafi var Yale háskóli.

Þátttakendur í mótinu voru 91 frá 15 háskólum.

Helga Kristín lék á samtals 10 yfir pari, 152 höggum (71 81). Því miður var 10 högga sveifla milli hringja hjá Helgu Kristínu en hún var T-4 þ.e. deildi 4. sætinu með öðrum eftir 1. dag, en lauk keppni T-35, meðal efri þriðjungs keppenda.

Skólalið Helgu Kristínar, Albany, varð í 10. sæti í liðakeppninni.

Særós Eva lék samtalsá 20 yfir pari, 162 höggum (80 82) og varð T-78.

Skólalið Særósar Evu, Boston University varð í 13. sæti í liðakeppninni.

Til þess að sjá lokastöðuna á Yale Women´s Fall Intercollegiate SMELLIÐ HÉR:

Næsta mót Helgu Kristínar og liðs hennar í Albany háskóla er Delaware Lady Blue Hen Invitational sem fram fer 21.-22. október n.k, en mótið er síðasta mót Albany á haustönn.

Næsta mót Særósar Evu og liðs hennar í Boston University verður ekki fyrr en eftir áramót, á vorönn 2018.