Ragnheiður Jónsdóttir | apríl. 13. 2022 | 21:30

Bandaríska háskólagolfið: Heiðrún Anna á besta skori Arlington á ORU Spring Inv.

Heiðrún Anna Hlynsdóttir, GOS og félagar í Texas Arlington tóku þátt í ORU Spring Invitational háskólamótinu.

Mótið fór fram dagana 11.-12. apríl í The Club at Indian Springs, Broken Arrow, Oklahoma.

Þátttakendur voru 62 frá 12 háskólum.

Heiðrún Anna var á besta skorinu í liði sínu og hafnaði í 7. sæti í einstaklingskeppninni á 5 yfir pari, 221 höggi (75 71 75).

Arlington varð í 4. sæti í liðakeppninni.

Sjá má lokastöðuna á ORU Spring Inv. með því að SMELLA HÉR: 

Næsta mót Heiðrúnar Önnu & félaga í Arlington verður 17.-19. apríl n.k.