Haraldur Franklín. Mynd: Golf 1
Ragnheiður Jónsdóttir | október. 6. 2013 | 20:00

Bandaríska háskólagolfið: Haraldur og félagar luku leik í 4. sæti á David Toms mótinu

Íslandsmeistarinn okkar í höggleik 2012, Haraldur Franklín Magnús, GR og golflið Louisiana Lafayette luku í kvöld leik á háskólamóti  í Baton Rouge, Louisiana; David Toms Intercollegiate.

Mótið stóð dagana 5.-6. október og voru þátttakendur 69 frá 12 háskólum.

Haraldur og golflið Louisiana Lafayette luku leik í 4. sæti og taldi skor Haraldar en hann var á 4. besta skori liðs síns.

Í einstaklingskeppninni lauk Haraldur Franklín leik í 33. sætinu sem hann deildi með Travis Wilmore frá Louisiana Tech, en báðir voru. fyrir ofan miðju.  Haraldur lék á samtals 9 yfir pari, 225 höggum (72 75 78).

Til þess að sjá lokastöðuna á David Toms Intercollegiate SMELLIÐ HÉR: