Bandaríska háskólagolfið: Guðmundur varð í 79. sæti!

Guðmundur Ágúst Kristjánsson GR, endaði í 79. sæti á lokamóti NCAA háskóladeildarinnar í Bandaríkjunum. GR-ingurinn lék þriðja hringinn á +4 eða 76 höggum og samtals var hann á 14 höggum yfir pari vallar (78-72-76). Hann komst ekki í gegnum niðurskurðinn að loknum þriðja hringnum en Bryson Dechambeau úr SMU sigraði á -8 samtals (70-67-72 -71). Guðmundur fór holu í höggi á fyrsta hringnum en hann er aðeins annar íslenski karl kylfingurinn sem nær að komast inn á þetta gríðarlega sterka golfmót.
Úlfar Jónsson, landsliðsþjálfari, og sexfaldur Íslandsmeistari í golfi, lék á þessu móti árið 1988. Aðeins bestu háskólaliðin í Bandaríkjunum eru með í liðakeppninni á þessu móti. Guðmundur keppir í einstaklingskeppninni en skólalið hans, East Tennessee State, náði ekki að komast í lokamótið.

Ólafía Þórunn Kristinsdóttir komst einnig inn á lokamót NCAA þegar hún var að keppa fyrir Wake Forest háskólann. Það eru því þrír kylfingar frá Íslandi sem hafa komist inn á lokamót NCAA.

Heimild: golf.is