Bandaríska háskólagolfið: Guðmundur Ágúst sigraði í 2. sinn á skömmum tíma!!!

Guðmundur Ágúst Kristjánsson, GR og golflið ETSU tóku þátt í The Greenbrier Collegiate Inviational en mótið fór fram á TPC White Sulphur Springs golfvellinum í Greenbrier, í Vestur Virginíu í Bandaríkjunum.

TPC White Sulphur Springs völlurinn var hannaður af Charles Blair Macdonald „föður golfvallarhönnunar í Bandaríkjunum“ og opnaði fyrir meira en 100 árum, árið 1914.  Þetta er glæsivöllur sem margir af bestu kylfingum samtímans hafa keppt á; menn á borð við golfgoðsagnirnar Arnold Palmer og Gary Player og Tiger Woods.

Háskólamót Guðmundar Ágústs stóð dagana 13.-14. apríl og lauk því í gær.  Þátttakendur voru 72 frá 13 háskólum.

Guðmundur Ágúst sigraði í einstaklingskeppninni og deildi sigursætinu með 2 öðrum: Jonathan Dilanni frá Elon (sama skóla og Sunna Víðis GR og Gunnhildur Kristjáns GKG stunda nám við) og Jared Brown frá Eastern Kentucky háskólanm.

Guðmundur Ágúst lék frábært golf –  – átti tvo æðislega hringi undir pari, lék samtals á 3 undir pari, 137 höggum (68 69).  Mótið átti að vera 3 hringja en 3. hringnum var aflýst vegna veðurs. Glæsilegur árngur þetta!!!

Þetta er 2. sigur Guðmundar Ágústs en hann sigraði fyrir skömmu þ.e. 15. mars s.l. á Seminole Intercollegiate háskólamótinu í Bandaríkjunum – Sjá frétt Golf 1 þar um með því að SMELLA HÉR: 

ETSU lið Guðmundar Ágústs sigraði einnig í liðakeppninni.  Hér má sjá umfjöllun um glæsilegan árangur Guðmundar Ágústs og ETSU á heimasíðu ETSU SMELLIÐ HÉR:  Þar kom m.a. fram að þjálfari ETSU, Fred Warren væri afar stoltur af Guðmundi og eins er smá viðtal við Guðmund Ágúst þar sem hann sagði m.a. :„Ég hef blendnar tilfinningar, þar sem það voru vonbrigði að geta ekki klárað lokahringinn í dag (þ.e. í gær) en það er gaman að vinna annað mót. Ég spila venjulega vel í rigningu þannig að mér fannst ég hafa forskot, en völlurinn var óleikhæfur eftir að stormurinn kom þannig. Ég er líka stoltur af liðinu að sigra aftur. Þar sem þetta er síðasta mótið fyrir svæðamótin, þá gefur þetta okkur vonandi sjálfstraust fyrir helgina.“

Sjá má lokastöðuna á The Greenbrier Collegiate Inviational með því að SMELLA HÉR: