Bandaríska háskólagolfið: Erfið byrjun hjá íslensku kylfingunum á Hawaii

Tveir íslenskir kylfingar í bandaríska háskólagolfinu, Axel Bóasson, GK og golflið Mississippi State og Guðmundur Ágúst Kristjánsson, GR og golflið ETSU eru nú staddir á Hawaii, þar sem þeir munu taka þátt í Warrior Princeville Makai Invitational í Makai golfklúbbnum í Princeville.

Mótið stendur dagana 4.-6. nóvember og þátttakendur eru 93 frá 18 háskólum.

Axel Bóasson. Mynd: Golf 1.

Eftir 1. dag eru háskólalið Axels, Mississippi State, í 2. sæti, en skor Axels telur ekki þar sem hann er í 5. og síðasta sætinu en 4 bestu skor telja.  Í einstaklingskeppninni er Axel T-56 þ.e. deilir 56. sætinu með 13 öðrum kylfingum. Axel lék fyrsta hring á 2 yfir pari, 74 höggum.

Sömu sögu er eiginlega að segja um Guðmund Ágúst Kristjánsson. Um skeið var hann í 6. sætinu í einstaklingskeppninni þ.e. eftir 9 spilaðar holur, en hann lauk fyrri deginum á mótinu á sléttu pari, 72 höggum og deilir 39. sætinu með 13 öðrum.  Í liðakeppninni er lið Guðmundar Ágústs, ETSU í 5. sæti og telur skor hans ekki þar sem hann, líkt og Axel er á 5. og lakasta skori liðs síns.

Báðir hafa þeir Axel og Guðmundur Ágúst oft spilað betur.

Axel á rástíma kl. 9:36 að staðartíma og Guðmundur Ágúst kl. 8:51 (ath. að það er 10 tíma, tímamismunur milli Íslands og Hawaii).  Axel hefur því leik kl. 19:36 að íslenskum tíma og Guðmundur Ágúst kl. 18:51 að okkar tíma hér heima á Íslandi. Báðir hefja leik á 1. teig.

Til þess að fylgjast með gengi þeirra Axels og Guðmundar Ágústs SMELLIÐ HÉR: