Ragnheiður Jónsdóttir | febrúar. 19. 2013 | 17:30

Bandaríska háskólagolfið: Guðmundur Ágúst lauk keppni á Puerto Rico Classic á besta skori ETSU

Guðmundur Ágúst Kristjánsson, GR og „The Bucs“ golflið East Tennessee State University (skammst. ETSU) luku í dag leik á Puerto Rico Classic mótinu.

Mótið stóð dagana 17.-19. febrúar og var spilað á River golfvelli Rio Mar CC á Puerto Rico.  Þátttakendur voru 75 frá 15 háskólum.

Völlurinn sem spilað var á er glæsilegur og má komast á heimasíðu Rio Mar með því að SMELLA HÉR: 

Guðmundur Ágúst lék á samtals 4 yfir pari, 220 höggum (71 75 74) og deildi 36. sæti með 2 öðrum kylfingum.

Hann var á besta skori „The Bucs“ golfliðs ETSU, en liðið varð í 11. sæti í liðakeppninni.  Þeir hjá ETSU eru auðvitað ánægðir með Guðmund Ágúst og birtist eftirfarandi grein um hann og gengi liðsins í Puerto Rico á heimasíðu skólans  SMELLIÐ HÉR: 

Næsta mót Guðmundar Ágústs og „The Bucs“ er General Hackler Invitational mótið, sem fram fer 11.-12. mars á Myrtle Beach, í Suður Karólínu.

Til þess að sjá úrslitin á Puerto Rico Classic  SMELLIÐ HÉR: