Bandaríska háskólagolfið: Eva Karen lauk keppni í Kentucky

Eva Karen Björnsdóttir, GR og golflið hennar í bandaríska háskólagolfinu, University of Louisiana at Monroe (ULM) tóku þátt í Murray State Jan Weaver Invite mótinu.

Mótið átti að fara fram dagana 6.-7. apríl, en hætt var við keppni seinni daginn vegna snjókomu.

Mótsstaður var Miller Memorial golfvöllurinn í Murray, Kentucky.

Þátttakendur voru 92 frá 14 háskólum.

Eva Karen, sem  keppti sem einstaklingur lauk keppni T-54 þ.e. í sama sæti og eftir 2 spilaða hringi, á samtals 14 yfir pari, 158 höggum (76 82), þar sem 3. hringur var felldur niður.

Næsta mót Evu Karenar fer fram 14. apríl nk.