Ragnheiður Jónsdóttir | september. 17. 2019 | 07:00

Bandaríska háskólagolfið: Egill Ragnar á 3. besta skori í liði sínu í Arizona

Egill Ragnar Gunnarsson, GKG og lið hans í bandaríska háskólagolfinu, Georgia State tóku þátt í fyrsta móti skólans á haustönn, Maui Jim Intercollegiate.

Mótið fór fram dagana 13.-15. september sl. í Carefree, Arizona.

Þátttakendur voru 75 frá 15 háskólum.

Egill Ragnar var á 3. besta skorinu í liði sínu, lék á samtals 3 yfir pari, 213 höggum (74 72 67) og endaði T-51 í einstaklingskeppninni.

Síðasti hringur Egils Ragnars var sérlega glæsilegur en þann hring lék hann á 3 undir pari, 67 höggum.

Georgia State lauk keppni í 13. sæti í liðakeppninni.

Sjá má lokastöðuna á Maui Jim Intercollegiate með því að SMELLA HÉR: 

Næsta mót Egils Ragnars og Georgia State er 6. október n.k.