Bandaríska háskólagolfið: Bjarki efstur íslensku keppendanna 4 í Louisiana e. 1. dag

Fjórir íslenskir keppendur eru við keppni á 34. móti Louisiana Classic, en gestgjafar mótsins er Louisiana Lafayette háskóli, skóli Björns Óskars Guðjónsson, GM. Mótið fer fram í Oakbourne CC, í Lafayette, Louisiana; stendur 25.-26. febrúar og lýkur í dag.

Þátttakendur eru 87 frá 15 háskólum.

Keppendurnir íslensku eru auk gestgjafans Björns Óskars: Bjarki Pétursson, GB og Gísli Sveinbergsson, GK og lið þeirra Kent State og Hlynur Bergsson, GKG og lið hans í bandaríska háskólagolfinu University of Northern Texas (UNT).

Íslensku keppendurnir hafa staðið sig sem hér segir:

T-19 Bjarki Pétursson á samtals 4 yfir pari, 148 höggum (75 73).

T-31 Björn Óskar Guðjónsson á samtals 6 yfir pari, 150 höggum (77 73).

T-54 Gísli Sveinbergsson á samtals 8 yfir pari, 152 höggum (75 77).

T-78 Hlynur Bergsson á samtals 13 yfir pari, 157 höggum (78 79).

Lið Bjarka og Gísla, Kent State er í 5. sæti í liðakeppninni; en gestgjafarnir í Louisiana Lafayette og UNT T-9.

Sjá má stöðuna á Louisiana Classic með því að SMELLA HÉR: