Bandaríska háskólagolfið: Bjarki, Björn og Gísli við keppni í Louisiana

Bjarki Pétursson GB og Gísli Sveinbergsson GK og golflið þeirra í bandaríska háskólagolfinu, Kent State hófu leik á Louisiana Classics mótinu, sem fram fer í Oakbourne CC í Lafayette, Louisiana.

Gestgjafi mótsins er Louisiana Lafayette háskólinn, en Björn Óskarsson, GM, spilar einmitt með því háskólaliði.

Mótið stendur dagana 26.-27. febrúar 2018 og lýkur því í dag. Þáttakendur eru 84 frá 15 háskólum.

Eftir fyrstu tvo hringi er Bjarki búinn að standa sig best af Íslendingunum, hefir spilað á 143 höggum (70 73) og er T-21. Gísli hefir spilað á 144 höggum (73 71) og er T-32.  Liðsfélagi þeirra Bjarka og Gísla, Ian Holt er í 1. sæti í einstaklingskeppninni!

Kent State, lið Bjarka og Gísla er þ.a.l. í 3. sæti í liðakeppninni.

Björn hefir spilað á 149 höggum (76 73) og er T-63.  Lið hans, Louisiana Lafayette er í 13. sæti.

Sjá má stöðuna á Louisiana Classics með því að SMELLA HÉR: 

Í aðalfréttaglugga: Bjarki Pétursson, GB. Mynd: Golf 1