Bandaríska háskólagolfið: Birgir lauk keppni T-14 á Kansas Wesleyan Fall Inv.

Birgir Björn Magnússon, klúbbmeistari GK 2012 og 2017 og lið hans í bandaríska háskólagolfinu, Bethany College, tóku þátt í Kansas Wesleyan Fall Invite, sem fram fór í Salina CC í Salina, Kansas, dagana 2.-3. október 2017 og lauk í gær.

Birgir Björn lék samtals á 7 yfir pari, 147 höggum (69 78) og varð T-14. Flottur árangur það!!!

Bethany sendi tvö lið í keppnina: Bethany og Bethany B og varð Bethany í 6. sæti í liðakeppninni og Bethany B í 4. sæti!

Sjá á lokastöðuna á Kansas Wesleyan Fall Invite með því að SMELLA HÉR: 

Þetta er fremur stórt mót; þátttakendur 88 úr 14 háskólaliðum og árangur Birgis Björns því enn glæsilegri fyrir vikið!

Með liði Bethany leikur annar íslenskur kylfingur Stefán Sigmundsson, GA, en hann var ekki með að þessu sinni.

Næsta mót Bethany er mót þar sem Central Christian College er gestgjafi en mótið fer fram 9.-10. október n.k. í McPherson, Kansas.