Valdís Þóra Jónsdóttir, GL, Íslandsmeistari í höggleik kvenna 2012 – en mótið fór fram á Strandarvelli – Hellu. Mynd: Golf 1
Ragnheiður Jónsdóttir | mars. 16. 2013 | 17:15

Bandaríska háskólagolfið: Berglind Björns og UNCG og Valdís Þóra og Texas State hófu í gær leik á háskólamóti í Arizona

Berglind Björnsdóttir, GR og golflið UNCG og Valdís Þóra Jónsdóttir, GL og golflið Texas State léku í gær fyrstu tvo hringina á Mountain View Collegiate í Tucson, Arizona.  Mótið stendur dagana 15.-16. mars 2013.  Þáttakendur eru 84 frá 15 háskólum.

Valdís Þóra lék á samtals 150 höggum (76 74) og er í 44. sæti eftir 1. dag í einstaklingskeppninni.  Hún var á 4. besta skori Texas State og taldi því skor hennar í að koma háskólaliðinu upp í T-4, þ.e. Texas State deilir 4. sætinu með Kansas State í liðakeppninni.

Berglind lék á samtals 159 höggum (81 78) og deilir 66. sætinu eftir 1. dag í einstaklingskeppninni. Hún var líka á 4. besta skori liðs síns, UNCG og taldi því skor hennar líka í að koma UNCG í 13. sætið í liðakeppninni.

Til þess að sjá úrslitin eftir 1. dag Mountain View Collegiate SMELLIÐ HÉR: