Bandaríska háskólagolfið: Axel, Haraldur Magnús og Mississippi State urðu í 7. sæti í Jerry Pate mótinu

Þeir Axel Bóasson, GK og Haraldur Franklín Magnús, GR luku keppni ásamt golfliði Mississippi State á Jerry Pate National Intercollegiate mótinu, í gær.

Mótið fór fram dagana 15.-16. október á golfvelli Old Overton Club í Vestavia Hills, Alabama og þátttakendur voru 60 frá 12 háskólum.

Axel lauk keppni í 19. sæti, sem hann deildi ásamt 5 öðrum. Hann var á samtals 10 yfir pari, 220 höggum (71 74 75). Axel var á 1.-2. besta skori í liði Mississippi State.

Haraldur Franklín var á samtals 14 yfir pari, 224 höggum (74 75 75 ) og á 4. besta skorinu í liði Mississippi State og taldi skor hans þar af leiðandi. Haraldur Franklín lauk keppni einn í 30. sæti.

Mississippi State varð í 7. sæti í liðakeppninni.

Sjá má grein um góða frammistöðu Axels og Haraldar Franklín á heimasíðu Mississippi State Bulldogs. Þar kemur m.a. fram að Axel sé meðal efstu 25 í mótinu og Haraldur Franklín hafi verið að spila fyrsta leik sinn með liði Mississippi State.  SMELLIÐ HÉR: 

Næsta mót Mississippi State Bulldogs er Bridgestone Golf Collegiate í Greensboro, Norður-Karólínu dagana 27.-28. október n.k.

Til að sjá úrslitin á Jerry Pate National Intercollegiate mótinu SMELLIÐ HÉR: