Bandaríska háskólagolfið: Axel, Haraldur Franklín og Mississippi State í 2. sæti eftir 2. dag Seminole Intercollegiate

Axel Bóasson, GK og afmæliskylfingur dagsins hér á Golf 1 í dag, Haraldur Franklín Magnús, GR, taka þátt í Seminole Intercollegiate mótinu, sem fram fer á Southwood golfvellinum í Tallahassee, Flórída. Sjá má völlinn sem þeir Axel og Haraldur Magnús spila á, á heimasíðu klúbbsins, með því að SMELLA HÉR:  Þess mætti geta að völlurinn hefir verið valinn einn af 35 bestu golfvöllum Bandaríkjanna af Golf Magazine.

Þetta er þriggja daga mót, frá 15.-17. mars og þátttakendur eru 66 frá 11 háskólum.

Axel er búinn að spila á samtals 5 undir pari, 139 höggum (68 71) og deilir 5. sætinu í mótinu í einstaklingskeppninni, ásamt 4 öðrum.

Þetta er fyrsta mót Haraldar Magnúsar á árinu og hann er á samtals 7 yfir pari, 151 höggi (74 77) og deilir 49. sætinu ásamt David Tepe frá Cincinnati.

Lið Mississippi State er nú í 2. sæti í liðakeppninni, sem er glæsilegur árangur!!!

Til þess að sjá stöðuna eftir 2. dag Seminole Intercollegiate SMELLIÐ HÉR: