Bandaríska háskólagolfið: Axel á besta skori Mississippi State á Jerry Pate National Intercollegiate mótinu eftir 1. dag

Þeir Axel Bóasson, GK og Haraldur Franklín Magnús, GR keppa, dagana 15.-16. október ásamt golfliði Mississippi State á Jerry Pate National Intercollegiate mótinu.

Þátttakendur eru 60 frá 12 háskólum og spilað er á golfvelli Old Overton Club í Vestavia Hills, Alabama.

Axel er á besta skorinu í liði Mississippi State spilaði hringina 2 í gær, fyrri dag mótsins, á samtals 5 yfir pari, 145 höggum (71 74). Eftir fyrri hringinn var Axel í 7. sætinu í mótinu en óljóst er á þessari stundu í hvaða sæti hann lendir því nokkrir eiga eftir að ljúka leik.  Ljóst er þó að hann er á efri fjórðungi skortöflunnar

Haraldur Franklín var á samtals 9 yfir pari, 149 höggum (74 75) og á 4. besta skorinu í liði Mississippi State og telur skor hans þar af leiðandi.

Mississippi State er í 6. sæti í liðakeppninni sem stendur.

Golf 1 óskar Axel og Haraldi Franklín góðs gengis í mótinu!

Til að sjá stöðuna eftir 1. dag Jerry Pate National Intercollegiate mótsins SMELLIÐ HÉR: