Bandaríska háskólagolfið: Arnór Ingi var í 1. sæti eftir 1. dag á Will Wilson mótinu – spilaði á 68 höggum!

Golflið Belmont Abbey, háskóla Arnórs Inga Finnbjörnsson, GR, Íslandsmeistarans okkar í holukeppni, tekur þátt í Will Wilson Tanglewood Intercollegiate mótinu, sem stendur dagana 16.-18. október í Clemmons, Norður-Karólínu. Síðasti hringurinn verður spilaður í dag.

Eftir fyrsta hringinn var Arnór Ingi á glæsilegu skori 68 höggum, en náði ekki að fylgja því nægilega vel eftir í gær þegar hann spilaði á 77 höggum. Verið er að spila 3. og lokahring Will Wilson mótsins í dag og mun Golf 1 birta úrslitafréttina síðar.

Eftir tvo hringi er golflið Belmont Abbey háskólans í 5. sæti.