Bandaríska háskólagolfið: Ari, Theodór og golflið Monticello luku leik í 3. sæti í Tennessee

Ari Magnússon, GKG Theodór Emil Karlsson GKJ og golflið University of Arkansas at Monticello luku leik á Union University Fall Invite í Jackson, Tennessee.

Mótið fór fram 29.-30. september 2014 og þátttakendur voru 42 í 8 háskólaliðum.

Ari lék á samtals 11 yfir pari, 227 höggum (75 77 75) og deildi 10. sæti í einstaklingskeppninni.

Theodór Emil lék á samtals 13 yfir pari, 229 höggum (79 73 77) og deildi 14. sæti í einstaklingskeppninni.

Ari var á 2. besta skori Monticello og Theodór Emil á 3. besta skorinu og töldu bæði skorin í 3. sætis árangur Monticello í liðakeppninni.

Næsta mót þeirra Monticello-manna er The Buccaneer Classic í Southaven, Mississippi, 5. október n.k.

Til þess að sjá lokastöðuna á Union University Fall Invite í Jackson, Tennessee SMELLIÐ HÉR: