Bandaríska háskólagolfið: Ari í 9. sæti á Heart of America mótinu

Ari Magnússon, GKG og Theodór Emil Karlsson, GKJ taka þátt í Heart of America Invitational mótinu, sem fram fer á Keth Memorial golfvellinum í Warrensburg, Missouri.  Völlurinn er par-71, 6029 yarda langur.

Mótið stendur dagana 7.-8. október 2013. Þátttakendur eru 100 frá 20 háskólum.

Ari er í topp-10 í mótinu eftir fyrri dag eða m.ö.o. 9. sætinu sem er glæsilegur árangur, en því sæti deilir hann með 3 öðrum.  Hann lék fyrstu tvo hringina á samtals 3 yfir pari, 145 höggum (74 71).

Theodór Emil lék á 14 yfir pari, 156 höggum (77 79) og er á 2.-3. besta skori Arkansas Monticello, en í 77. sæti í einstaklingskeppninni.

Arkansas Monticelo sem  er í 18. sætinu í liðakeppninni eftir fyrstu tvo spiluðu hringina.

Til þess að sjá stöðuna eftir 2 hringi á  Heart of America Invitational mótinu SMELLIÐ HÉR: