Bandaríska háskólagolfið: Andri Þór lauk leik á besta skori Nicholls í Texas

Andri Þór Björnsson, GR og Ragnar Már Garðarsson , GKG, tóku báðir þátt í  Huskies Invitational mótinu í Houston, Texas.

Mótið stóð dagana 30. september -1. október 2013 og lauk í gær. Þátttakendur voru 75 frá 13 háskólum.

Andri Þór og golflið Nicholls höfnuðu í 7. sætinu í mótinu í liðakeppninni og var  Andri Þór á  besta skori liðsins.

Hann lék samtals á 217 höggum (71 74 72).

Ragnar Már og McNeese luku keppni í 4. sæti í liðakeppninni en Ragnar Már var á 5. og lakasta skori liðsins og taldi það ekki í árangri liðsins.

Ragnar Már lék á samtals 227 höggum (74 78 75) og bætti sig um 3 högg milli daga og fór úr  56. sætinu í einstaklingskeppninni í 47. sætið.

Næsta mót Andra Þórs og golfliðs Nicholls og Ragnars Más og golfliðs McNeese er Jim Rivers Intercollegiate,  sem fram fer 21.-22. október n.k. á hinum fræga Squire Creek golfvelli í Choudrant, Louisiana en völlurinn hefir 4 sinnum verið valinn besti goflvöllur í Louisiana og hann var eitt sinn á lista Golf Digest yfir 5 bestu golfvelli í Bandaríkjunum.

Til þess að sjá lokastöðuna á Huskie Invitational mótinu SMELLIÐ HÉR: