Bandaríska háskólagolfið: Andri Þór hefur leik á Carter Plantation Intercollegiate í dag

Andri Þór Björnsson, GR og golflið Nicholls State hefja leik á Carter Plantation Intercollegiate, en mótið er í boði Southeasters Louisiana University.

Spilað er á golfvelli Carter Plantation golfklúbbsins í Springfield, Louisiana en völlurinn er par-72 og 7104 yarda (6496 metra) langur. Þetta er fyrsti völlurinn sem PGA leikmaðurinn David Toms hannaði, en sjá má myndir af honum á heimasíðu klúbbsins með því að SMELLA HÉR: 

Þetta er tveggja daga mót fer fram 18.-19. mars og verða tveir hringir spilaðir í dag og 1 á morgun.

„The Colonels“ þ.e. ofurstarnir, golflið Nicholls State, hefir ekkert spilað síðan á Rice Intercollegiate í Texas, 4.-5. febrúar s.l., en þá var Andri Þór á besta skori liðsins, sem hafnaði í 12. sæti í liðakeppninni.  Andri spilaði á samtals 218 höggum þá (75 70 73) og var í 14. sæti í einstaklingskeppninni.

Pétur Pétursson, GR, tók líka þátt og var með skor upp á (87 78 80) sem kom honum í 78. sætið í einstaklingskeppninni.

Það verður gaman að sjá hvað hvað ofurstarnir gera í dag og á morgun í Louisiana!