Bandaríkin 7 – Alþjóðaliðið 5 eftir 2. dag Forsetabikarsins

Úrslitin í fjórboltaleikjum dagsins á Forsetabikarnum eru þau að enn hefir bandaríska liðið 2 vinnings forskot á Alþjóðaliðið.  Staðan eftir 2. dag er 7-5 Bandaríkjunum í vil. Tiger, sem í dag spilaði með Dustin Johnson tapaði leik sínum við Aron Baddeley og Jason Day, en þeir síðarnefndu áttu eina holu á Tiger/Johnson fyrir rest. Þrátt fyrir tapið sýndi Tiger góða takta, setti m.a. niður fuglapútt á erfiðu 4. brautinni, sem var frábært.  Fuglapúttið frábæra hjá Tiger má sjá með því að smella HÉR: 

Phil Mickelson kallaði aðstæður til spils „geggjaðar“ (ens. crazy) en mjög vindasamt var í Melbourne og hafði Greg Norman vonast til að þær aðstæður væru liði sínu í vil. Það var þó ekki, því aðstæðurnar virtust koma jafnilla við bæði liðin.

JIm Furyk og Phil Mickelson spiluðu frábært golf í dag í Forsetabikarnum

Leikar fóru svo að jafnt var með liðunum í dag 3:3, þ.e. hvort lið vann 3 leiki. Bandaríkjamenn sigruðu í eftirfarandi leikjum: Mickelson og Furyk sigruðu Scott og K.T Kim 2&1 og Matt Kuchar og Steve Stricker unnu Robert Allenby og Y.E Yang 4&3.  Þriðji sigur Bandaríkjamanna var sigur Bubba Watson og Webb Simpson á Els/Ischikawa 3&1. Aðra leiki sigraði Alþjóðaliðið, sem stóð sig aðeins betur í dag en gær.

Að öðru leyti má sjá stöðuna á Forsetabikarnum með því að smella HÉR: