Ragnheiður Jónsdóttir | ágúst. 6. 2013 | 22:00

Axel, Haraldur Franklín og Guðmundur Ágúst taka þátt í Evrópumóti einstaklinga

Evrópumót einstaklinga í golfi fer fram dagana 7.-10. ágúst á Real Club de Golf el Prat á Spáni en mótið er eitt sterkasta áhugamannamót sem fram fer í heiminum á ári hverju þar sem allir bestu áhugakylfingar Evrópu mæta til leiks.

Meðal þeirra sem fagnað hafa sigri á mótinu eru Norður-Írinn Rory McIlroy árið 2006 og Sergio Garcia árið 1995.

Alls taka 144 kylfingar þátt í mótinu í ár og þar af þrír frá Íslandi þeir Guðmundur Ágúst Kristjánsson og Haraldur Franklín Magnús úr Golfklúbbi Reykjavíkur og Axel Bóasson úr Golfklúbbnum Keili.

Leiknar verða 72 holur í mótinu, fyrir lokahringinn verður keppendum fækkað og munu 60 kylfingar leika um sjálfan Evróputitilinn.

Heimasíðu mótsins má sjá með því að  SMELLA HÉR: