Áskorendamótaröð Íslandsbanka (3): Magnús Máni sigraði í strákaflokki

Þriðja mót tímabilsins á Áskorendamótaröð Íslandsbanka fór fram á sjálfum þjóðhátíðardegi Íslands á Gufudalsvelli hjá Golfklúbbi Hveragerðis. Keppendur voru allir ræstir út á sama tíma.

Jussi Pitkänen afreksstjóri GSÍ afhenti verðlaunin og í mótslok var boðið upp á létta grillveislu.

Aðstæður í Hveragerði voru nokkuð krefjandi en mikil úrkoma gerði keppendum erfitt um vik – en rúmlega 50 keppendur tóku þátt.

Áskorendamótaröðin er ætluð þeim kylfingum sem vilja öðlast meiri keppnisreynslu áður en haldið er inn á sjálfa Íslandsbankamótaröðina.

Úrslit í flokki 14 ára og yngri stráka, sem spiluðu 18 holur, voru eftirfarandi:

1. Magnús Máni Kjærnested, NK 89 högg
2. Ólafur Ingi Jóhannesson, NK 89 högg
3. Ingimar Elfar Ágústsson, GL 90 högg