Áskorendamótaröð Íslandsbanka (3): Kristín Vala sigraði í stelpuflokki

Þriðja mót tímabilsins á Áskorendamótaröð Íslandsbanka fór fram á sjálfum þjóðhátíðardegi Íslands á Gufudalsvelli hjá Golfklúbbi Hveragerðis. Keppendur voru allir ræstir út á sama tíma.

Jussi Pitkänen afreksstjóri GSÍ afhenti verðlaunin og í mótslok var boðið upp á létta grillveisli.

Aðstæður í Hveragerði voru nokkuð krefjandi en mikil úrkoma gerði keppendum erfitt um vik – en rúmlega 50 keppendur tóku þátt.

Áskorendamótaröðin er ætluð þeim kylfingum sem vilja öðlast meiri keppnisreynslu áður en haldið er inn á sjálfa Íslandsbankamótaröðina.

Úrslit í flokki 14 ára og yngri stelpna, sem spiluðu 18 holur, voru eftirfarandi:

1. Kristín Vala Jónsdóttir, GL 99 högg
2. Laufey Kristín Marinósdóttir, GKG 105 högg
3. Katrín Sól Davíðsdóttir, GM 124 högg