Áskorendamótaröð Evrópu: Birgir Leifur m/ sinn 1. sigur á mótaröðinni – Hápunktar

Birgir Leifur Hafþórsson, GKG, sigraði á móti vikunnar á Áskorendamótaröð Evrópu, Cordon Golf Open.

Mótið fór fram í Golf Blue Green de Pléneuf í Val André í Frakklandi, dagana 31. ágúst – 3. september 2017.

Birgir Leifur lék eins og engill – spilaði stórkostlegt golf og gerir okkur öll svo stolt!!!

Þetta er í 1. sinn sem hann sigrar á Áskorendamótaröð Evrópu og titillinn hefir verið lengi í farvatninu en hinn 41 ára Birgir Leifur gerðist atvinnumaður fyrir 20 árum, 1997 – Frábært, hreint frábært!!! Nú fer Birgir Leifur upp um 16 sæti í Road to Oman stigalistanum og e.t.v. vinnur hann sér sæti að nýju á Evrópumótaröðinni!!!

Birgir Leifur þurfti ekki að spila 4. hringinn þar sem mótið var stytt í 3. hringja mót vegna mikilla rigninga.

Sigurskor Birgis Leifs var 18 undir pari, 192 högg (63 65 64)  – Ótrúlega flott skor og allir hringur undir 70!!!

Birgir Leifur átti 7 högg á þá sem næstir komu, en það voru Englendingurinn Matt Ford og Ítalinn Andrea Pavan, en þeir deildu 2. sætinu og léku báðir á 11 undir pari.

Sigurtékki Birgis Leifs var upp á €33.600 eða 4,3 milljónir íslenskra króna!!!

Sjá má grein og viðtal við Birgi Leif eftir sigurinn, sem birtist á vefsíðu Áskorendamótarðar Evrópu – þar sem hann er nefndur konungurinn af Cordon (ens. King of Cordon) SMELLIÐ HÉR: 

Sjá má lokastöðuna á Cordon Golf Open með því að SMELLA HÉR:

Sjá má hápunkta lokadagsins á Cordon Golf Open með því að SMELLA HÉR: