Áskorendamótaröð Evrópu: Haraldur Franklín með besta árangur sinn á mótaröðinni – 8. sæti!!!

Haraldur Franklín Magnús, GR, náði sínum besta árangri á Áskorendamótaröðinni, Open de Bretagne atvinnumótinu, sem fram fór á Golf Bluegreen de Pléneuf Val André í Frakklandi.

Mótið er hluti af Challenge Tour sem er næst sterkasta atvinnumótaröð Evrópu í karlaflokki.

GR-ingurinn endaði í 8. sæti sem er besti árangur hans á Áskorendamótaröðinni en hann lék hringina fjóra á 64-74-67-67, 272 höggum, eða 8 höggum undir pari vallar.

Andri Þór Björnsson, GR og Guðmundur Ágúst Kristjánsson, GR voru einnig á meðal keppenda en þeir komust ekki í gegnum niðurskurðinn.

Sjá má lokastöðuna í mótinu með því að SMELLA HÉR: